Туркияда футболида пул тикиш ва келишилган ўйинларга қарши кенг қамровли тафтиш ишлари давом этяпти. Дейлик, январь ойида бу иш юзасидан 108 нафар мураббий ва 104 нафар менежер ҳибсга олинганди. 20 февраль куни эълон қилинган сўнгги маълумотга қараганда, операциянинг навбатдаги босқичи клублар раҳбарларига қаратилди. Унда жами 32та клуб эгаси (жумладан, Суперлиганинг 7та иштирокчиси – «Гёзтепе», «Коньяспор», «Аланияспор», «Анталияспор», «Кожаэлиспор», «Генчлербирлиги» ва «Сивасспор») ҳибсга олинди. +айд этилишича, полиция 10та провинцияда жиддий рейдлар ўтказган ва ҳозирда яна бир гумон остида шахсни излаш ишлари кетмоқда. Прокуратура баёнотига кўра, қамоқққа олинган функционерлар узоқ вақт ўз клублари  ўйинларига пул тикиб келишган.