Австралияда ўтказилаётган аёллар ўртасидаги Осиё кубогининг гуруҳ босқичи якунланди. Турнирда иштирок этаётган Ўзбекистон аёллар миллий терма жамоаси чорак финал йўлланмасини қўлга киритди. «В» гуруҳидан жой олган вакилаларимиз КХДР, Хитой ва Бангладеш терма жамоаларига қарши майдонга тушиб, гуруҳни 3-ўрин билан якунлади.

Котрина Кулбите шогирдлари мусобақа 3-турида Бангладешга қарши баҳс олиб бориб, унда 4:0 ҳисобида зафар қучишди. Гуруҳдаги параллель учрашувда Хитой КХДРни 2:1 ҳисобида ютиб, гуруҳ пешқадами сифатида «плей-офф»га йўл олди, шимолий кореяликлар эса 2-ўрин билан кейинги босқичга чиқишди. Турнир регламентига мувофиқ, гуруҳларда биринчи ва иккинчи ўринни қўлга киритган жамоалар, шунингдек, учинчи ўриндаги жамоалар орасидан энг яхши кўрсаткичга эга икки жамоа ҳам чорак финал босқичига йўл олди. Ушбу рейтингда Ўзбекистон аёллар терма жамоаси 3 очко билан 1-ўринни эгаллади ва «А» гуруҳи ғолиби Жанубий Корея терма жамоасига қарши майдонга тушадиган бўлди.

***

Чорак финал босқичи турнирнинг ҳал қилувчи паллаларидан бири ҳисобланади. Чунки Осиё кубогида энг яхши олти жамоа 2027 йилги аёллар ўртасидаги жаҳон чемпионатига тўғридан-тўғри йўлланмани қўлга киритади. Агар Ўзбекистон терма жамоаси чорак финалда ғалаба қозонса, мундиалга тўғридан-тўғри йўл олади. Ушбу босқичда имкониятни бой берган жамоалар 19 март куни ўтиш ўйинларида иштирок этиб, қолган йўлланмалар учун курашни давом эттиришади.

АЙТГАНЧА…

Ушбу турнир вақтида Эрон терма жамоасининг 5 нафар аъзоси жамоа жойлашган меҳмонхонадан қочиб кетди. Якшанба куни Эрон гуруҳ босқичининг сўнгги ўйинида Филиппин терма жамоасига 0:2 ҳисобида имкониятни бой бериб, «А» гуруҳида сўнгги ўринни эгаллаган ҳолда мусобақани тарк этган эди. Аввалроқ Эрон давлат телевидениеси бошловчиси Муҳаммад Ризо Шаҳбозий Осиё Кубоги ўйинларининг бирида миллий мадҳияни куйламаган футболчи қизларни кескин танқид қилган эди: «Уруш вақтида хоинларга нисбатан қаттиққўлроқ муносабатда бўлиш керак». Ушбу баёнотдан сўнг футболчиларнинг касаба уюшмаси ҳисобланган FIFPro ташкилоти ФИФА ва Осиё футбол конфедерациясидан (ОФК) қизларнинг хавфсизлигини кафолатлашни сўраганди.

The Athletic нашри хабарига кўра, 5 нафар футболчига меҳмонхонани тарк этишда маҳаллий полиция яқиндан ёрдам берган. Ушбу спортчилар душанба кунги жамоавий кечки овқатда иштирок этишмаган ва айни пайтда Австралия федерал полицияси назорати остидаги махсус бошпанада хавфсизликда сақланмоқда. Айни пайтда ФИФА, ОФК ва Австралия ҳукумати хавфсизлик нуқтаи назаридан Эрон аёллар терма жамоасининг мамлакатда қолиш муддатини узайтириш масаласини муҳокама қилмоқда. Ҳозирча бутун жамоа учун қайтиш рейси банд қилинмаган.

«B» ГУРУҲИ

9 март

БАНГЛАДЕШ – ЎЗБЕКИСТОН – 0:4 (0:1)

Перт. Perth Rectangular Stadium. 1117 томошабин.

Бош ҳакам: Маҳназ Зокаи (Эрон).

Голлар: Диёрахон Ҳабибуллаева (10), Дилдора Нозимова (62, 66), Нилуфар Қудратова (88).

Ўзбекистон: 1.Мафтуна Жонимқулова, 2.Мадина Ҳикматова, 11.Мафтуна Шойимова, 15.Умида Зоирова, 21.Лейла Ораниязова, 7.Нилуфар Қудратова, 8.Илвина Аблякимова (18.Дилдора Нозимова, 60), 9.Феруза Турдибоева (5.Солиҳа Ҳусниддинова, 46), 14.Гулзода Амирова (23.Асалхон Аминжонова, 46), 17.Людмила Карачик, 10.Диёрахон Ҳабибуллаева (20.Комила Зарипова, 90+1).

КХДР – ХИТОЙ – 1:2 (1:2)

Сидней. Western Sydney Stadium. 9093 томошабин.

Бош ҳакам: Ле Тхо Ли (Вьетнам).

Голлар: Ким Кён Ён (32) – Чэнь Цяочжу (34), Ван Шуан (45Қ4).

1 ХИТОЙ          3          3          0          0          7–1       9

2 КХДР            3          2          0          1          9–2       6

3 ЎЗБЕКИСТОН           3          1          0          2          4-6       3

4 БАНГЛАДЕШ            2          0          0          3          0-11      0

«А» ГУРУҲИ

8 март

АВСТРАЛИЯ – Ж.КОРЕЯ – 3:3 (2:1)

Голлар: Кеннеди (33, 90+8), Керр (45+6) – Мун Ин Жу (13), Ким Шин Жи (53-пен.), Кан Чэ Рим (56).

ЭРОН – ФИЛИППИН – 0:2 (0:1)

Голлар: Эглесвик (29), Макдэниель (82)

1 Ж.КОРЕЯ      3          2          1          0          9-3       7

2 АВСТРАЛИЯ 3          2          1          0          8-3       7

3 ФИЛИППИН   3          1          0          2          2-4       3

4 ЭРОН            3          0          0          2          0-9       0

«С» ГУРУҲИ

10 март

ҲИНДИСТОН – ХИТОЙ ТАЙПЕЙИ – 1:3 (1:2)

Сидней. Western Sydney Stadium.

Бош ҳакам: Кейси Райбелт (Австралия).

Голлар: Маниша Кальян (39) – Су Ю Сюань (12), Элангбам Пантой Чану (45+8-авт.), Чэнь Ю Чин (77).

Фойдаланилмаган пенальти: Сюй И Юнь (45+8, Х.Т.).

ЯПОНИЯ – ВЬЕТНАМ – 4:0 (1:0)

Перт. Perth Rectangular Stadium.

Бош ҳакам: Ким Ю Жеон (Ж.Корея).

Голлар: Рико Уэки (21), Майка Хамано (51), Аоба Фужино (64), Кико Сейке (67).

1 ЯПОНИЯ       3          3          0          0          17-0      9

2 ХИТОЙ ТАЙПЕЙИ     3          2          0          1          4-3       6

3 ВЬЕТНАМ     3          1          0          2          2-6       3

4 ҲИНДИСТОН 3          0          0          3          2-16      0

3-ЎРИНЛАР РЕЙТИНГИ

1 ЎЗБЕКИСТОН           3          1          0          2          4-6       3

2 ФИЛИППИН  3          1          0          2          2-4       3

3 ВЬЕТНАМ     3          1          0          2          2-6       3

ЧОРАК ФИНАЛ

13 март (жума)

15:00 АВСТРАЛИЯ – КХДР

Перт. Perth Rectangular Stadium.

14 март (шанба)

10:00 ХИТОЙ – ХИТОЙ ТАЙПЕЙИ

Перт. Perth Rectangular Stadium.

14:00 Ж.КОРЕЯ – ЎЗБЕКИСТОН

Сидней. Stadium Australia.

15 март (якшанба)

10:00 ЯПОНИЯ – ФИЛИППИН

Сидней. Stadium Australia.

ТЎПУРАРЛАР:

Рико Уэки (Япония) – 4та

Аланна Кеннеди (Австралия) – 4та

Кико Сейке (Япония) – 4та

Мён Ю Жонг (КХДР) – 4та

Хината Миязава (Япония) – 3та

Ким Кён Ён (КХДР) – 3та…