“Барселона” мухлиси Ямалга қарши

“Барселона” мухлислари сальвадорлик журналист Бруно Порциони “Олтин тўп” номзодларига овоз бериш имкониятидан маҳрум қилишга муваффақ бўлишди. Чунки у ўз ижтимоий тармоқларида каталонияликлар етакчиси Ламин Ямалнинг оиласини ҳақорат қилган, футболчини “ёшини сохталаштирилган муҳожир” деб атаган ва марокашликлар шаънига лойиқ келмайдиган жуда қўпол жумлаларни ишлатган. Эътиборлиси, ушбу мухбирнинг ўзи "Барса"га мухлислик қилади ва ўтган йили у “Реал” ҳужумчиси Винисиусни ҳаттоки “Олтин тўп”га номзод кучли 10таликка ҳам кирмаслигини таъкидлаганди.