“Барселона” Суперлига лойиҳасини тарк этди

“Барселона” клубининг қарийб 12 соат давом этган йиғилишида клуб президенти Жоан Лапорта жамоа Суперлига лойиҳасидан расман чиққанлигини маълум қилди. 
“Биз узоқ вақт УЕФА ва Суперлига ўртасидаги муносабатларни яхшилаш устида ишладик. Бироқ, чемпионлар лигаси формати ўзгарганидан кейин мусобақанинг умумий даражаси ошганини ва бу даромадларни 20 фоизга кўпайтиришини кўрдик. Шу боис, аввал Суперлига лойиҳасини қўллаб-қувватлаган бўлсак-да, УЕФАдаги ижобий ўзгаришларни кўрган ҳолда, ҳамкорлик ва ярашувга устувор аҳамият бериш керак, деб ҳисобладик”, — деди Лапорта.