Испания чемпионати 3-тур баҳслари доирасида ўтказилган “Реал Мадрид” – “Мальорка” (2:1) учрашувидан сўнг мезбонлар ярим ҳимоячиси Аурелиен Чуамени ўйин ҳақидаги фикрлари билан ўртоқлашди.
“Биз мусобақани учта ғалаба билан бошлашни режалаштирган эдик ва буни уддасидан чиқдик. Мен ярим ҳимоячи сифатида ўзимни қулайроқ ҳис қиляпман, лекин энг муҳими - жамоа манфаати учун ўйнаш. Тўғриси тўп Ардани қўлига теккан-тегмаганини кўрмадим. Лекин тўп қўлга теккан бўлса - бу гол эмас. Ҳа, биз гол уриш учун кўп куч сарфладик лекин асосийси ғалаба. Биз ҳар бир машғулотда ва ҳар бир учрашувда бор кучимизни беришимиз керак. Бизда 9 очко бор ва шундай руҳда давом этишимиз лозим. Энди режага кўра, Чемпионлар лигаси туфайли халқаро танаффусдан кейин ўйин услубимизни бироз ўзгартирамиз” – деди, футболчи.
