Приволжья кубоги доирасида Саранскнинг «Шумбрат» ва Самаранинг «Олимп» ҳаваскорлар клублари ўртасида ўтказилган учрашув «Ҳайвонот оламида» кўрсатувига яхшигина рақобат туғдириши мумкин. Чунончи, ўйин давомида майдонда кутилмаган меҳмонлар пайдо бўлди - она ўрдак ва унинг жўжалари!
Фахрий меҳмонлардек қадам ташлаган она ўрдак ва унинг жўжалари майдонга тушиб, бамайлихотир мезбон жамоа дарвозаси томон ҳаракатлана бошлади бир қатор бўлиб. Чиройли манзара. Табиийки, ҳакам шу заҳоти ўйинни тўхтатди ва футболчилар беозор қушларни четга кузатиб қўйишди. Якунда «Шумбрат» 10:0 ҳисобида ғалаба қозонди. Мезбонлар эҳтимолки, шарҳловчи айтганидек, «фахрий меҳмонлар» юришидан руҳланиб кетишгандир.
«Шумбрат» ҳаваскорлар клуби - Приволжья чемпионати-2024 ғолиби. Ҳозирда сарансликлар ўз зоналарида Ижевскнинг «Зенит» клубидан кейин 2-ўриндалар. Очколар миқдори тенг, фақат қўшимча кўрсаткичлар «Зенит»да яхшироқ.
«Шумбрат» ўтган йилнинг декабрь ойида Иккинчи дивизионнинг «Б» лигасига кўтарилиш учун аттестация тайёрлади, аммо якунда Учинчи табақада қолди.
«Шумбрат» ибораси мордов тилида салом маъносини беради.
