Кристофер Нкунку "Милан"га ўтмоқда

Италиянинг “Милан” клуби "Челси" билан франциялик ярим ҳимоячи Кристофер Нкункунинг трансфери бўйича оғзаки келишувга эришди. Айни дамда томонлар битимни расмийлаштириш учун ҳужжатларни тайёрлаш ишларини бошлаши кутилмоқда. Хабарларга кўра, лондонликлар ушбу тарнсфердан бонусларни қўшиб ҳисоблаганда 42 миллион евро ишлаб олишади. Нкунку эса "Милан" билан 5 йиллик шартнома имзолайди. Агар трансфер расман тасдиқланса, бу ёзда "Челси" Европанинг футболчи сотувидан энг кўп пул ишлаган клубга айланиши мумкин. Аниқроғи, бу йил лондонликлар ғазнасига сотиш орқали келиб тушган даромадлар миқдори 350 миллион евродан ортади.