“Ман Сити” Савиони қўйиб юбормоқчи эмас

Лондоннинг"Тоттенхэм" клуби "Манчестер Сити" вингери Савиога фаол қизиқиш билдирмоқда. Инсайдер Фабрицио Романонинг маълум қилишича, чоршанба куни "шаҳарликлар" "Тоттенхэм"га клубнинг Савио бўйича позицияси ўзгармаётганини маълум қилган. "Ман Сити" 21 ёшли бразилияликни 70 миллион евродан юқори таклиф бўлса ҳам қўйиб юбормайди. Клуб раҳбарияти Савиони мавсум ва келажак учун асосий ўйинчи деб ҳисобламоқда. Романонинг таъкидлашича, "Манчестер Сити"нинг Савио бўйича бундай позицияси Родригонинг "Реал"дан трансферини истисно қилади.