Рэшфорд ҳозир «Барса»да яшиндек чақнамоқда. Хойлунд кутилмаганда «Наполи»да яна очилиб кетди. Худди ўша жамоада Мактоминей «Олтин тўп» учун номзодлар рўйхатига тушди. Антони «Бетис»да порлади. Каррерас - «Реал»нинг асосий футболчиси. Уларнинг барчаси «Юнайтед»да юк эди ва кетиши биланоқ ўзини тиклай бошлашди. Савол туғилади - гап клубда эмасмикин?
Бундай ўйинчилар рўйхатини яна узоқ давом эттириш мумкин: агар сўнгги 10 йилликни кўриб чиқадиган бўлсак, «қизил иблислар»дан кейин қайта туғилган «феникслар»дан иккита таркиб чиқади. ОАВда «Юнайтед» аллақачон футболчилар потенциалини ўлдирадиган лаънати клуб мақомига эга. Муваффақиятли фаолият қуришнинг энг яхши йўли эса ҳеч қачон «Юнайтед»га ўтмасликдир.
Ҳақиқатдан ҳам, сэр Алекс Фергюсон кетганидан кейин жамоада узоқ давом этган инқироз бор. Клопп таъкидлаганидек, бу «спорт лойиҳаси» эмас. «Юнайтед» бошига INEOS келишидан олдин клуб аниқ футбол стратегияси бўлмаган Disney блокбастерлари руҳидаги чексиз фансервис ёрдами билан пул ишлаш дастури эди. Шунинг учун ҳам бундай муаммолар кўпайиб кетди. Аммо улар «лаънат»ни жиддий эълон қилиш учун шунчалик жиддийми?
Сўнгги 10 йилни олайлик ва барча муҳим трансферларни кўриб чиқамиз. 2015|16 йилги мавсумда Ди Мария, Чичарито, Эванс, Ван Перси, Нани, Рафаэл, Анхело Энрикес ва Клеверли клубни бутунлай тарк этишди. Улар орасида кетганидан кейин фақат Ди Мария яхшироқ ўйнади. 1|8.
Кейинги 3 мавсум: Шнайдерлин, Депай, Швайнштайгер, Пауэлл, Вальдес, Мхитарян, Янузай, Руни, Златан, Блинд, Жонстон, Феллайни. Депай (яхши ўйнади, лекин «Лион»да бундан ҳам яхши ўйнаган) ва Мхитарянни ҳисоблаш мумкин, қолганлар «МЮ»дан кейин беқарор ўйнаган ёки аллақачон фаолиятини тугатишган. 2|12.
Мавсум 2019|20: Лукаку, Смоллинг, Дармиан, Янг, Эррера, Валенсия. Бу ерда деярли ҳаммани «тирилганлар» қаторига қўшиш мумкин, албатта фаолиятини осуда якунлаш учун кетган эквадорликдан ташқари. Тахминан шу ердан «қарғиш» бошланади. Гарчи биринчи тўртлик Италияга борган бўлса-да, у ерда футбол бироз бошқача ва уларга мосроқ тезлик мавжуд. Аммо ҳисобга олиш учун: 5|6.
Кейинги 3 мавсум: Лингард, Фосу-Менса, Санчес, Рохо, Анхель Гомес, Дэниел Жеймс, Гарнер, Андреас Перейра, Чонг, Погба, Матич, Мата. Бу ерда ҳисоб - 0|14. Ҳамма ё клубга келишдан олдинги аҳволиданда ёмон бўлиб қолган ёки нафақага чиққан.
Ва ниҳоят охирги 3 мавсум: Эланга, Хендерсон, Фред, Ковар, Теллес, Байи, Скотт, Гринвуд, Ван-Биссака, Каррерас, Камбвала, Ганнибал, Пельистри, Ван Де Бек, Марсиаль, Гарначо, Антони, Хойлунд, Линделёф, Рэшфорд ва Санчо. Гарчи охирги иккиси ижарада бўлишса ҳам. Бу ерда Эланга, Гринвуд, Хендерсон, Скотт, Каррерас ва Антонини оламиз. Қолганлари янги босқичга кўтарилмади ёки ҳукм чиқаришга ҳали эрта. 6|20.
Энди «МЮ»дан кетганидан кейин яхшироқ ўйнаган футболчиларнинг умумий статистикасига боқамиз: 60тадан 14та. Учдан биридан ҳам кам. Баъзилар ёшлигида клубни тарк этиб, кейинроқ чўққига чиқди: Каррерас, Эланга каби. Бошқалар эса Генрих, Скотт, Антони ва мавсум 2019|20даги Италия десант каби ўзларига қулай шароитларни топдилар.
«Юнайтед» футболчиларни ўлдиряпти, дейиш мумкин. Аммо бу клуб дунёдаги энг машҳур клублардан бири бўлгани учун футболчиларга катта босим ўтказилмоқда. Улар кўпинча буни уддалашади, аммо ўзлари бу чорловни қабул қилишади ва шартномани имзолашдан олдин нимага бораётганларини англаб етишади. «МЮ» бу ҳолатда уларнинг салоҳиятини ўлдирмайди, балки белги бўлиб хизмат қилади, улар бу ерда муваффақиятсизликка учради - бошқа топ-клубда ҳам уларни худди шу нарса кутган бўларди.
«Юнайтед» ўзи атайлаб номдор футболчиларни танлайди, уларнинг жамоа услубига мос келишига эътибор қаратмайди. Уларга катта шартнома ва юлдуз ролини таклиф қилишади, бу эса футболчиларни бўшаштиради ва аввалгидек бор кучини сарфлашни тўхтатишади. Лекин бу футболчиларнинг ишга бўлган муносабатини кўрсатади, холос.
«Юнайтед»дан кет ва фаолиятингни тирилтир» мантраси ишламаяпти, бу журналистик штамп. Бу фақат ўзингизга ва ишингизга профессионал муносабатда бўлган тақдирдагина амалга ошиши мумкин. Лингард, Погба, Марсьял ёки Санчо бўлсангиз - юқори талаблар қўйилган исталган топ-клубда нопрофессионал ёндашувингиз билан муваффақиятсизликка учрайсиз. «МЮ» истеъдодларни ўлдирмайди, балки нимагадир бошидан шубҳали қаҳрамонларни тез-тез сотиб олади. Аммо бу бутунлай бошқа ҳикоя.
Манба: sports.ru,
И.ИБРОҲИМОВ тайёрлади
