«Барселона» 37 ёшли ҳужумчи Роберт Левандовски билан 2026 йил ёзида тугайдиган шартномани узайтирмасликка қарор қилди. Sport.es нашри хабар ида айтилишича, бу қарор футболчининг ёши, самарадорлигининг пасайиши ҳамда жамоадошлари каби юқори интенсивликда рақибга босим ўтказиш қобилиятини йўқотгани билан боғлиқ.
Ҳозирча Левандовски мавсум якунлангач фаолиятини якунлаши ёки яна бир-икки йил бошқа клубда ўйнаши номаълум бўлиб турибди. Шунингдек, унинг Саудия клубларидан тушган таклифларни қабул қилиш эҳтимоли жуда кам.
Маълумот ўрнида, 2022 йилдан буён «Барселона» шарафини ҳимоя қилиб келаётган футболчи б у мавсум барча мусобақаларда 9та ўйинда майдонга тушиб, 4та гол уришга эришди .
