Ўзбекистон Республикаси Президентининг футболга оид янги қарори имзоланди. Унга кўра, эндиликда ҳар бир махаллада футбол майдони бўлади.
«2025 йил 1 октябрдан бошлаб маҳаллаларда футбол майдонларини барпо этиш бўйича «Ҳар бир маҳаллада футбол майдони» дастури жорий этилсин.
Белгилансинки, «Ҳар бир маҳаллада футбол майдони» дастури доирасида:
(а) маҳаллалардаги бўш турган давлат мулки объектлари (ер участкалари) уларнинг бир қисмда футбол майдони барпо этиш ва камида 10 йил мобайнида унинг фойдаланиш мақсадини ўзгартирмаслик шарти билан электрон онлайн аукцион савдоларига чиқарилади;
(б) электрон онлайн аукцион савдолари ғолибларига харид қилинган бўш турган давлат мулки объекти (ер участкаси)нинг қолган қисмидан қонунчиликдa белгиланган тартибда фойдаланиш ва тасарруф этиш ҳуқуқи берилади;
(в) электрон онлайн аукцион савдоларига чиқарилган давлат мулки объектлари (ер участкалари) уч ой давомида сотилмаган тақдирда, уларнинг бошланғич баҳоси босқичма-босқич 10 фоиздан, лекин ками билан 50 фоизгача пасайтирилган ҳолда ва сотиб олиш тўловларини уч йилгача бўлиб-бўлиб тўлаш шарти билан савдоларга чиқарилади.
Давлат мулки объекти бўлган футбол стадионлари ва майдонларининг фойдаланиш мақсадларини ўзгартириш ва сотувга чиқариш тақиқлансин», — дейилади хабарда.
