"Бавария" Вольтемаде билан келишувга эришди

Германия матбуоти хабарига кўра, "Бавария" клуби "Штутгарт" ҳужумчиси Ник Вольтемадени қўлга киритмоқчи. Мюнхенликлар ушбу трансфер учун 50 миллион евро тўлашга тайёр. Маълум қилинишича, футболчи немис гранди билан шахсий шартнома борасида келишиб олган. Агарда “Штутгарт” ўз етакчисини қўйиб юборишга рози бўлса, Бундеслига чемпиони Вольтемаде билан 2030 йилгача меҳнат шартномаси тузади. Трансфермаркт маълумотларига кўра, футболчига бўлган ҳуқуқларнинг тахминий қиймати 30 миллион еврони ташкил қилади.