Финляндиянинг ХИК клуби КЛ саралаши биринчи босқичида ақлни шошириб қўядиган «камбэк»ни амалга оширди. Биринчи ўйинни ўзи каби «нотаниш» «Рунавик» (Фарер ороллари) майдонида ўтказган камтарин жамоа ортга 0:4 ҳисобидаги мағлубият билан қайтганди. +арангки, финляндияликлар жавоб баҳсида мислсиз жасорат эвазига 4та гол камомадини йўққа чиқарибгина қолмай, кейинги раундга йўл очган натижани қайд этишди - 5:0.
Ҳа, инсоф юзасидан айтиш керак, ХИК 15-дақиқадаёқ майдонда сон жиҳатидан устун бўлиб қолди. Эътиборлиси, мезбонлар умумий мағлубликдан қутқарган 4-голни 90}4-дақиқадагина нишонлашди. 93-дақиқа, яъни қўшимча бўлимларнинг бошида эса ғалаба голини уришди. Хельсинки жамоаси жавоб ўйинида рақиб дарвозаси томон нақ 60 марта зарба йўллаганию, 20та бурчак тўпи ишлаганини қўшимча қилиш жоиз. Хуллас, 5-гол ушбу мегаустунликнинг мантиқий самараси бўлди. Жамоа энди КЛ саралаши иккинчи босқичида «Арда» (Болгария) билан куч синашади 24 ва 31 июль кунлари.
Факт шуки, КЛ тарихида 0:4дан кейин бундай «камбэк» биринчи марта кузатилди. Тўғри, бошқа еврокубокларни ҳам олсак, бунақаси 3-марта рўй берган.
1. УЕФА кубоги-1985|1986. Иккинчи саралаш босқичи
«Партизан» (Сербия) - «КПР» (Англия) - 2:6дан кейин 4:0. Серблар Англиядан мажолсиз ва умидсиз қайтган бўлсаларда, жавоб ўйинида инглизларни 4та жавобсиз гол билан «сийлаш»ни уддасидан чиқиб, умумий ҳисобни 6:6га етказишади. Шу тариқа ўша вақт амалда бўлган «меҳмондаги гол устунлиги» қоидаси туфайли кейинги раундга ўтишади.
2. УЕФА кубоги - 1985|1986. 1|8 финал
«Реал» (Испания) - «Боруссия» М. (Германия) - 1:5дан кейин 4:0. Ўша мавсумдан яна бир ажойиб «камбэк». «Реал» ҳам меҳмонда гол ургани қўл келган умумий 5:5 ҳисобидан кейин.
ЧЛ-2016|2017. 1|8 финал
«Барселона» (Испания) - «ПСЖ» (Франция) - 0:4дан кейин 6:1. Буниси ҳаммага маълум тарих. Лионель Месси ва Неймар етакчилигидаги Каталония клуби Париждаги 0:4дан кейин «Камп Ноу»да Франция клубини шунчаки, ерга «кўмиб», чорак финалга йўл олганди.
ХИК - «Рунавик» ўйини статистикаси (120 дақиқа)
Зарба - 60:3
Аниқ зарба — 15:0
Бурчак зарбаси - 20:2
Тўп назорати - 69 - 31 фоиз
