Эдин Жеко - “Фиорентина” футболчиси!

39 ёшли ҳужумчи Эдин Жеко Италиянинг "Фиорентина" жамоаси аъзосига айланди. Бу ҳақда Италия клуби матбуот хизмати маълум қилди. Футболчи Туркиянинг "Фенербахче" клубидан эркин агент сифатида А Серия жамоасига ўтди. Манбага кўра, босниялик ҳужумчи билан тузилган шартнома бир йилга мўлжалланган бўлиб, маълум шартлар бажарилган тақдирда келишув автоматик тарзда яна бир мавсумга узайтирилиши мумкин. Маълумот учун, Жеко "Фенербахче" сафида 2023 йилдан бери тўп тепиб келаётган эди. Шу вақт мобайнида у 99та ўйинда 46 марта рақиблар дарвозасини ишғол қилишга эришди ва ўз ҳисобига 18та голли узатмани ёздириб қўйди.