«Янги Кроос» учун 60 миллион нақд

«Кристал Пэлас» жамоасида тўп тепаётган англиялик ярим ҳимоячи Адам Уортон «Реал»га ўтиши мумкин. El Nacional хабарига кўра, Хаби Алонсо 21 ёшли футболчини «янги Кроос» сифатида кўради ва унинг трансферига қатъий ишонмоқда. «Реал» Уортон учун тахминан 60 млн. евро тўлашга тайёр. Бу мавсумда Адам 13та ўйинда битта голли узатма амалга оширган. Унинг клуб билан амалдаги шартномаси 2029 йил ёзигача мўлжалланган. Transfermarkt портали маълумотларига кўра, унинг нархи 60 млн. еврога тенг. Аввалроқ «Кристал Пэлас» Уортон билан шартномани узайтирмоқчи экани маълум қилинганди.