«Ливерпул»нинг собиқ ҳимоячиси ҳозирда телебошловчилик қилаётган Жейми Каррагер «қизиллар»ни янги «Галактикос» деб атади.
«Александер Исакнинг АПЛ тарихидаги рекорд трансфери ортидан «Ливерпул»нинг «Галактикос»га айланиши якунланди. Юрген Клопп иш даврида самарали қўллаган «аутсайдер картаси» энди ўз аҳамиятини йўқотди.
«Ливерпул» энди кўпроқ 1970–80-йиллардаги даврни эслатади – ўша вақтда жамоа энг жозибали, клуб эса мамлакатдаги энг муваффақиятли ҳисобланган.
Клопп бир куни айтганди: у «Ливерпул»ни дунёдаги энг яхши жамоа эмас, балки энг қийин ютиладиган жамоа қилиб кўришни истайди. У ўз жамоасини Иван Драгони мағлуб этишга ҳаракат қилаётган Рокки Бальбоага қиёслаганди.
Арне Слот қўл остида мерсисайдликлар оғир вазн чемпионига айланди ва яқин келажакда титулни сақлаб қолишга интилмоқда. Клуб биргина трансфер ойнасида 400 миллион фунтдан ортиқ сарф қилгани – мерсисайд клубига эҳтирос билан боғланганлар учун янги ҳудудларни очиб берди.
Флориан Вирц ва Экитикени олиб келиш орқали «Ливерпул» энди Флорентино Перес давридаги «Реал», қудратининг авжидаги «Барселона», Сэр Алекс Фергюсон даврида истаган АПЛ юлдузини олиб келиши мумкин бўлган «Манчестер Юнайтед» ёки Роман Абрамович ва Абу-Даби томонидан сотиб олинганидан кейинги илк трансфер ойналаридаги «Челси» ва «Манчестер Сити»ни кўпроқ эслатади», – деб ёзди Жейми Каррагер.
