"Нюкасл" "Атлетико Мадрид" ҳужумчисини сотиб олмоқчи

 "Атлетико Мадрид"нинг норвегиялик ҳужумчиси Александр Сёрлот "Нюкасл"га ўтиши мумкин. Хабарларда айтилишича, "қарғалар" футболчини диққат билан кузатиб боришмоқда. Ўз навбатида Мадрид клуби ҳам Александрни сотиб юборишга хайрхоҳ чунки футболчи "матрасчилар" сафида етарли ўйин амалиётига эга бўла олмаяпти. Инглиз клуби скаутлари эса уни “Бавария”га ўтиши кутилаётган Ник Вольтемаданинг ўринбосари сифатида кўрмоқда. Маълумот учун, Сёрлот "Атлетико" сафида жами 65та ўйинда майдонга тушиб, 26та гол ва 2та голли узатмани амалга оширган. Трансфермаркт портали футболчини 25 миллион еврога баҳоламоқда.