Мадриднинг “Реал” клуби Ферланд Мендини жамоани тарк этиши мумкинлиги ҳақида огоҳлантирди. Хабарларга кўра, мураббийлар ҳимоячининг жисмоний ҳолатидан норози.
Манбада айтилишича, Мадрид клуби футболчини жисмоний ҳолатини яхшиламаса, шартномаси 2026 йилда бекор қилиниши мумкинлиги ҳақида огоҳлантирган. Маълумот учун, 30 ёшли футболчининг “қироллик клуби” билан тузган шартномаси 2028 йилнинг ёзига қадар мўлжалланган. У жорий мавсумда жароҳати туфайли ҳали майдонга тушмади.
