GiveMeSport сайти 2024 йили энг кўп маош олган 10 нафар аёл футболчи рейтингини тузиб чиқди. Рўйхатга тушган нозик хилқат вакилаларидан ҳеч бири даромад бобида ҳатто миллион фунт маррасига ҳам етмаган. Ваҳоланки, гап «Олтин тўп» эгалари, Олимпиада чемпионлари ва ЧЛ ғолибалари ҳақида кетмоқда.
Ҳа, рейтингга тушган аёл футболчилар ўйнаётган мамлакатлардаги ўртача маош миқдорига қарасак, уларнинг даромади кам эмас. Лекин эркак футболчилар олаётган маош билан солиштирсак, аёллар секторига доир рақамлар «писта пўчоғи»дек кўринади. Мана, қуйида ҳавола этилган икки рўйхатга назар солиб, ўзингиз хулоса чиқаришингиз мумкин. Айтганча, энг сердаромад эркак футболчилар рейтинги жорий йил апрель ойи ҳолати бўйича шакллантирилган. Яъни Криштиану Роналду ва айрим футболчиларнинг янада манфаатли янги шартномаси ҳисобга олинмаган.
Аёллар сектори: энг сердаромад футболчилар (2024 йилги кўрсаткичлар)
1. Айтана Бонмати («Барселона») - 835 минг фунт
2. Алексия Путельяс («Барселона») - 584 минг фунт
3. Сэм Керр («Челси») - 449 минг фунт
4. Рэйчел Кундананжи («Реал») - 385 минг фунт
5. Кейра Уолш («Челси») - 382 минг фунт
6. Ада Хегерберг («Лион») - 332 минг фунт
7. Марта («Орландо Прайд») - 322 минг фунт
8. Венди Ренар («Лион») - 298 минг фунт
9. Кристин Синклер (фаолиятини якунлади) - 288 минг фунт
10. Тринити Родман («Вашингтон Спирит») - 214 минг фунт
Эркаклар сектори: энг сердаромад футболчилар
(2025 йил апрель ойидаги кўрсаткичлар)
1. Криштиану Роналду («Ал-Наср») - 173 млн. фунт
2. Лионель Месси («Интер Майами») - 110 млн. фунт
3. Неймар («Сантос») - 95 млн. фунт
4. Килиан Мбаппе («Реал») - 90 млн. фунт
5. Карим Бензема («Ал-Иттиҳод») - 85 млн. фунт
6. Муҳаммад Салоҳ («Ливерпуль») - 70 млн. фунт
7. Кевин де Брюйне («Манчестер Сити») - 50 млн. фунт
8. Эрлинг Холанд («Манчестер Сити») - 50 млн. фунт
9. Роберт Левандовски («Барселона») - 45 млн. фунт
10. Садио Мане («Ал-Наср») - 40 млн. фунт
