Аввалроқ хабар берилишича, Испания Қироллик футбол федерацияси 20 декабрь куни “Барселона” ва “Вилярреал” жамоалари ўртасидаги учрашувни Маямида ўтказиш бўйича УЕФАга сўров юборган эди.
As нашрининг маълумотига кўра, УЕФА RFEF'нинг сўровини кўриб чиқмоқда – якуний қарор 11-сентябрь куни Тирана шаҳрида бўлиб ўтадиган ижроқўм йиғилишида қабул қилинади ва ФИФАга юборилади. Ҳозирда УЕФА юридик бўлими миллий чемпионат ўйинларини чет элда ўтказишнинг ҳуқуқий асослари устида ишламоқда – қанча ўйинларга рухсат берилиши, уларнинг вақти, масофаси ҳамда турнирга таъсир даражаси муҳокама қилинмоқда.
Қайд этилишича, Европа футболининг бошқарув органи ўйинларни хорижда ўтказиш “миллий чемпионатларнинг руҳини заифлаштириши” мумкинлигидан хавотирда. Бундан ташқари, Европа футбол мухлислари ассоциацияси ҳам чемпионат ўйинларини қитъа ташқарисида ўтказишга қарши чиқди. Шунингдек, УЕФА Ла Лига клубларидан ҳам АҚШда ўйин ўтказишга қарши фикр билдирган хабарларни олган.
