Маълумки, айни пайтда Суперлигада ёзги трансфер ойнаси бошланди. Жиззиханинг “Сўғдиёна” клуби эса, ушбу давр мобайнида таркибни бир нечта тажрибали футболчилар билан кучайтиришни мақсад қилган.
Жумладан, ҳозиргина иқтидорли ярим ҳимоячи Жасур Жалолиддинов “Сўғдиёна” билан бир ярим йиллик меҳнат шартномаси имзолади.
Маълумот учун: Жасур Жалолиддинов профессионал фаолияти давомида қуйидаги клублар сафида тўп сурган:
▪Бунёдкор
▪Локомотив Москва (Россия)
▪ФК Тамбов (Россия)
▪Андижон
▪Локомотив Тошкент
▪Қайрат (Қозоғистон)
▪Олимпик
▪Нефтчи
▪Сумгаит (Озарбайжон)
Бундан ташқари Жалолиддинов Ўзбекистон U-19, U-21 ва U-23 терма жамоаларида 40 дан ортиқ ўйин ўтказиб, 11 та гол муаллифи бўлган.
Миллий терма жамоа сафида эса у илк ўйинини 2020 йил 23 февраль куни Беларусга қарши ўртоқлик учрашувида (0:1) ўтказган.
Шунингдек, Жасур U-23 терма жамоамиз таркибида 2024 йилги Осиё Кубоги финалига қадар етиб бориб, Париж–2024 Олимпиадасига йўлланмани қўлга киритган.
