Карло Анчелотти: “Кетишга қарор қилганим йўқ. Бу нотўғри хабар”

Мен клубдан кетиш борасида қарор қабул қилганим йўқ. Бу нотўғри хабар. Мен бу ерда худди Флорентино Перес каби яна 4 йил қолишни хоҳлаган бўлардим. Бирга кетиш ажойиб бўларди.

Эртага бизни жуда муҳим ўйин кутмоқда, бизга очко зарур.

Топ-8лик? Бизни у ердан жой олишимиз жуда қийин. Агар 1/16 финалда ўйнашга тўғри келса, биз ўйнаймиз. Фақат тақвим янада зичроқ бўлади, холос.

Биз ҳимоядаги ўйинимизни яхшилашимиз керак. Мавсумда муваффақиятга эришиш йўли шу.

Мени мухлислар ва клуб яхши кўришини ҳис қиламан.

Винисиус ва Мбаппе? Уларга ўз позицияларини алмашиб ўйнаш ёқарди, чунки Винисиус ҳам марказда ўйнашни яхши кўради. Энди биз бундан камроқ фойдаланяпмиз, чунки Беллингемни маълум бир позицияга бириктирдик.

Трансферлар? Бизда ажойиб таркиб бор. Биз иккита соврин ютдик ва яна 4 тасига даъвогармиз.

Мбаппе - марказий ҳужумчи, у бу позицияда жуда яхши ўйнайди. Марказда сифатли ўйнаш учун тўпга кам тегинган ҳолда жуда тез ўйнаш керак - Килиан буни ҳаммадан ҳам кўра яхшироқ уддалайди.

ЧЛнинг янги формати сизга ёқдими? Бирон нима дейиш қийин. Яна иккита ўйин ўтказишимиз керак, шундан сўнг бафуржа гаплашсак бўлади.