Мармуш "Манчестер Сити" билан келишувга эришди

Бу ҳақда инсайдер Николо Скира хабар берди. Футболчи январь ойидаёқ инглиз клубига ўтишга тайёр. Бироқ, "шаҳарликлар" "Айнтрахт" билан келишиб олишлари керак. 

 Журналист Флориан Плеттенбергнинг ёзишича, «Айнтрахт» мисрлик футболчини 80 миллион еврога баҳолаган. Футболчининг шартномасида товон пули кўрсатилмаган, шунинг учун клуб исталган нархни белгилаши мумкин.

 “Манчестер Сити” эса Омар учун 50-60 миллион евро тўлашга тайёр. 

 Маълумот учун, 25 ёшли ҳужумчи Германия чемпионатида 15та ўйин ўтказиб, 13та гол урди ва 8та голли узатмани амалга оширди. У Бундеслигада ундан бир гол ортда қолган Ҳарри Кейндан кейин иккинчи тўпурар ҳисобланади.