“Бунёдкор” ОКМК футболчисини сотиб олди
2024 йилги мавсумда ОКМК билан уч йиллик шартнома имзолаган марказий ҳимоячиси Асадбек Раҳимжонов эндиликда Тошкентнинг "Бунёдкор" жамоаси сафида ўз фаолиятини давом эттиради.
Ўтган йиллар давомида "Насаф" клубидаги ўйинлари орқали мухлисларга танилган Марко Станоевич "Динамо" жамоаси аъзосига айланди. Сербиялик тажрибали ярим ҳимоячи билан бир йиллик шартнома имзоланди. У самарқандликлар сафига эркин агент мақомида қўшилди. Марко "Динамо"нинг январь ойи бошида Тошкентда ўтказиладиган йиғинига келиб қўшилади.
Станоевич Суперлига 2024 йилги мавсумида 24 ўйинда майдонга тушиб, битта голга муаллифлик қилган ва якунда Ўзбекистон чемпиони бўлди. Марко ОЧЛ жорий мавсумида ҳам 6 ўйинда тўп тепди. У Суперлигада жами 111 ўйинда 15та голга муаллифлик қилган. ОЧЛда ҳам жами 5та гол киритган.
