Неймар трансферга қўйилди

Нашрнинг ёзишича, клуб хайрлашишни режалаштираётган ўйинчилар орасида Неймар ҳам бор. Париж клуби бразилиялик ҳужумчи билан 2022 йилда хайрлашмоқчи эди, аммо ўшанда харидор топилмаганди. Ҳозир ҳам Неймарга харидор топиш осон бўлмайди, чунки юлдуз ўйинчининг маошини ҳамма клуб ҳам кўтара олмайди. Неймарнинг ўзи «ПСЖ»да қолиш ёки «Манчестер Юнайтед»га ўтишни истамоқда. Аммо инглиз клуби 31 ёшли футболчига аниқ таклиф билдиргани йўқ. Шунингдек, клуб Карлос Солер ва Ренату Саншеш билан хайрлашмоқчи. Уго Экитике ва Мауро Икарди бўйича ҳам таклифларни кўриб чиқишга тайёр. Ашраф Ҳакими ва Марко Верратти ҳам клуб томонидан трансферга қўйилади. Аввалроқ, «ПСЖ» раҳбарияти Кристоф Гальтьени истеъфога чиқаришга қарор қилгани, Носир ал Хелайфи таркибдаги айрим ўйинчилардан норозилиги ҳақида хабар қилинганди.