Афсонавий собиқ футболчи Стивен Жеррард Шотландиянинг «Рейнжерс» клубига бош мураббий бўлиш таклифини рад этди. Маълум қилинишича, клуб вакиллари сешанба ва жума куни ўзининг собиқ мураббийи билан музокаралар ўтказган. Бироқ якунда Жеррард ҳозирча иш фаолиятига қайтиш нияти йўқлигини маълум қилган.
Эслатиб ўтамиз, «Ливерпул» ва Англия миллий жамоасининг собиқ ярим ҳимоячиси сўнгги бор Саудиянинг «Ал Иттифоқ» клубида фаолият юритган. Стивен бу жамоани январ ойи охирида тарк этганди.