«AFC ANNUAL AWARDS-2022»: ЎФА «ПЛАТИНУМ» ЙЎНАЛИШИДА ЙИЛ АССОЦИАЦИЯСИ!

Қувонарли томони, Ўзбекистон футбол ассоциацияси «Йилнинг энг яхши футбол федерацияси» номинациясида «Платинум» йўналишида ғолибликни қўлга киритди.

Қайд этиш жоиз, ўтган давр мобайнида Ўзбекистон Осиёнинг турли футбол тадбирларига мезбонлик қилди ҳамда ўзаро лойиҳаларни амалга оширди. Хусусан, тарихда илк бор U-23 ва U-20 Осиё чемпионатлари, шунингдек, ОФКга аъзо ассоциациялар президентлари ва бош котиблари конференцияси мамлакатимизда ўтказилди. Қитъа миқиёсидаги турли саралаш баҳслари, клублар ўртасидаги турнирлар, аёллар футболи, CAFA мусобақаларида ЎФА фаоллик кўрсатди. Ушбу саъй-ҳаракатлар ОФК томонидан муносиб эътироф этилди. Совринни ЎФА биринчи вице-президенти Равшан Эрматов қабул қилиб олди.

Мазкур номинацияда Эрон футбол федерацияси ва Япония футбол ассоциацияси номзодлари кўрсатилган эди.

Умуман, тақдирлаш маросимида қуйидаги номинацияларда ғолиблар аниқланди:

«Йилнинг энг яхши эркак футболчиси» - Салим ал Давсари (Саудия Арабистони);

«Йилнинг энг яхши аёл футболчиси» - Саманта Керр (Австралия);

«Йилнинг энг яхши эркак мураббийи» - Хажиме Мориясу (Япония);

«Йилнинг энг яхши аёл мураббийи» - Шуи Кингсиа (Хитой);

«Йилнинг энг яхши ёш футболчиси» - Курю Матсуки (Япония);

«Йилнинг энг яхши ёш аёл футболчиси» - Маика Хамано (Япония);

«Йилнинг энг яхши осиёлик халқаро футболчиси» - Ким Мин Жэ (Ж.Корея);

«Йилнинг энг яхши футзалчиси» - Муслим Оладгобад (Эрон);

«Йилнинг энг яхши ҳакамлари» - Кристофер Беат (Австралия), Антон Шетинин (Австралия), Эшли Бичам (Австралия), Аммар ал Нажеби (БАА);

«Осиё жавоҳири» - Сауд ал Моҳаннади (Қатар, марҳум);

«Йилнинг энг яхши федерацияси» «Ёқут» йўналиши - Гуам футбол ассоциацияси;

«Йилнинг энг яхши федерацияси» «Олтин» йўналиши - Гонгконг футбол ассоциацияси;

«Йилнинг энг яхши федерацияси» «Олмос» йўналиши - Ливан футбол ассоциацияси;

«Йилнинг энг яхши федерацияси» «Платинум» йўналиши - Ўзбекистон футбол ассоциацияси;

«Йилнинг энг яхши минтақавий футбол федерацияси» - Марказий Осиё футбол ассоциацияси;

«Болалар футболини ривожлантиришда йилнинг энг яхши футбол федерацияси» «Олтин» йўналиши - Австралия футбол ассоциацияси;

«Болалар футболини ривожлантиришда йилнинг энг яхши футбол федерацияси» «Кумуш» йўналиши - Гуам футбол ассоциацияси;

«Болалар футболини ривожлантиришда йилнинг энг яхши футбол федерацияси» «Бронза» йўналиши - Ҳиндистон футбол федерацияси.