Аллегри хотинини судга берди

La Stampa нашрининг ёзишича, «Ювентус» устози Угини 11 ёшли ўғли учун мўлжалланган алимент пулларни ўзлаштирганликда айбламоқда. Аллегри судга собиқ хотини томонидан оилавий мажбуриятларни бузганлиги фонида мурожаат қилди. Қайд этилишича, 2017 йилда Массимилиано Аллегри Клаудия Угига фарзандини боқиш учун ойига 10 минг евро тўлашга рози бўлган. Деярли икки йил аввал мураббий бу миқдорни ойига 5000 еврогача камайтириш илтимоси билан судга мурожаат қилган, бироқ натижа бермаган. Айтиш жоизки, Массимилиано Аллегри «Ювентус»нинг янги мавсумни ёмон бошлагани учун ҳозир босим остида.