Ана, холос! Президент билан учрашув, ғалати можаро

Футболчининг ўзи эса «Твиттер»даги саҳифасида вазиятни тушунтиришга уринди.

Қизиқ, ўзи нима бўлди? Уругвай миллий жамоаси аъзолари Панама термасига қарши кечган ўртоқлик ўйинидан олдин мамлакат президенти Луис Альберт Лакалье билан учрашишди. Умумий суратга тушиш вақти эса орқа қаторда турган Вальверде қўққисдан энгашди ва кадрдан тушиб қолди. 

Уругвай футбол федерацияси мамлакат раҳбари билан учрашувдан олинган видеолавҳаларни «Твиттер»га жойлаштирди. Натижада кўпчилик Вальверденинг хатти-ҳаракатига эътибор қаратиб, уни кескин айблашга тушди. Айримлар ҳаттоки, «Реал» ҳимоячиси сиёсатчига боғланиб қолмаслик учун атайин шундай қилганини таъкидлашмоқда. «Ишонинг, ҳаммаси жиддийлашиб кетди ва алоҳида тушунтириш беришга мажбурман. Нима, ўзимни шу тариқа кўрсатишни хоҳлаганим ақлга сиғадими? Йўқ, шунчаки, гетрани тўғрилаш учун эгилдим. Футболчиман, фақат ўйнайман. Шундай экан, мени ортиқча сафсатага торт­ман», - деб ёзди Феде «Твиттер»даги саҳифасида.