Артур қишдаёқ ортга қайтадими?...

Tutto Mercato Web хабарига кўра, инглиз клуби қишки трансфер ойнасида яна бир ярим ҳимоячини ўз сафига қўшиб олишни кўриб чиқмоқда. Агар шундай бўлса, мерсисайдликлар Артурнинг ижарасини муддатидан олдин тугатади. У ҳолда бразилиялик «Ювентус»га қайтади. 26 ёшли футболчи «Ливерпул»да ундан кутилган савияни кўрсата олмади. Таъкидланишича, бош мураббий Юрген Клопп жамоада бошқа турдаги футболчини кўришни хоҳлаган. «Ливерпул»га ўтганидан сўнг футболчи атиги 13 дақиқани майдонда ўтказди ва Чемпионлар Лигаси доирасида «Наполи» (1:4) билан ўйинда захирадан майдонга тушди. «Эвертон» (0:0) ва «Аякс»га (2:1) қарши ўйинларда яримҳимоячи захирада қолди.