Байчетич учун мавсум якунланди

«Афсуски, жароҳат олдим, шу сабаб мавсум охиригача майдонга туша олмайман. Мен учун бу ажойиб мавсум билан хайрлашиш жуда ачинарли, аммо бу футболнинг бир қисми эканлигини тушунаман. Бу мени жисмоний ва руҳий жиҳатдан кучлироқ қилади. Шунингдек, барчангизга мавсум давомида қўллаб-қувватлаганингиз учун миннатдорчилик билдирмоқчиман. Сизни ишонтириб айтаманки, ҳар қачонгидан ҳам кучлироқ бўлиб қайтиш учун қўлимдан келган барча ишни қиламан», - деб ёзади испаниялик футболчи. Аввалроқ бош мураббий Юрген Клопп «Реал» (0:1) билан ўйинда Байчетичнинг қўшимча мушаклари шикастланганини айтганди. Мураббий буни «стресс юкламари» оқибати деб атаганди. 18 ёшли ҳавбек бу мавсумда инглиз клуби сафида дебют қилди. Феврал ойида у клуб тарихида Чемпионлар Лигасида асосий таркибда майдонга тушган энг ёш футболчига айланди. Ҳаммаси бўлиб Байтетич «Ливерпуль» сафида барча мусобақаларда 19та ўйин ўтказиб, 1та гол урди.