Байрамга ҳозирлик бошланди...

Лучано Спалетти шогирдлари энг яқин таъқибчиси «Интер»дан 15 очко олдинда бормоқда. Олдинда ҳали ўн беш тур бор бўлсада, Неаполда чемпионат байрамини режалаштириш бошланди. Ҳар ҳолда, бу ҳақда La Repubblica хабар берди. Манбага кўра, улар скудеттони Неаполдаги 4 июнь куни Пьяцца-дель-Плебишитода нишонламоқчи. Бироқ, яна бир фикр бор - марказда оломонни олдини олиш учун шаҳарнинг меҳмонхона кварталларида тадбирлар ташкил этиш. Айтиш жоизки, «Наполи» 1990 йилдан бери илк бор Италия чемпиони бўлиши мумкин.