«Барса»ни қандай жазо кутмоқда?

Хўш, клубнинг айби судда исботланса, жамоага нисбатан қандай жазо қўлланилиши мумкин? La Vanguardia тарқатган хабарга кўра, кўп эҳтимол билан жамоага нисбатан жарима чораси қўлланилади. Ҳуқуқшунослар ҳозирда шундай тахминни илгари суришмоқда. Аммо «Барса» қуйи дивизионга бадарға қилиниши ҳам мумкин. Бундан ташқари, клуб юридик шахс сифатида тарқатиб юборилиш эҳтимоли ҳам йўқ эмас. «Барса» Негрейра ёрдамида ўзига керакли ҳакамларни ўйинга тайинланишига эришиш учун пул тўлангани исботлансагина, клубга нисбатан жазо қўлланилади. Бошқа ҳолатда иш ёпилади. «Барселона»нинг собиқ президентлари Бартомеу ва Роселни эса коррупция учун 6 ойдан 4 йилгача ҳамда нохолис бошқарув учун эса 6 ойдан 3 йилгача қамоқ жазоси кутаётган бўлиши мумкин.