«Барса» етакчилари Месси учун бунга тайёр...

Инсайдер Жерар Моренонинг сўзларига кўра, «кўк-анорранглилар» футболчилари 35 ёшли аргентиналик футболчининг қайтиши учун маошини камайтиришга тайёр. Ҳимоячи Хорди Альба ва ярим ҳимоячи Серхио Бускетс молиявий шартларини камайтириш ниятида эканликларини маълум қилишди. Месси «Барселона» академияси битирувчиси. Ҳужумчи 2005 йилдан 2021 йилгача асосий жамоада ўйнаган. Кейин Лионель эркин агент сифатида Франциянинг «ПСЖ» клубига ўтди. Унинг парижликлар билан шартномаси келаси йил ёзида тугайди.