Батшуайи Туркияда қолди, Гилмур «Брайтон»га ўтди

«Фенербахче» клуби бельгиялик форвард трансфери бўйича Лондон клуби билан келишувга эришганини эълон қилди. Трансфер қиймати ҳақида маълум қилинмаган. Қайд этиш жоиз, 28 ёшли Батшуайи 1 сентябрь оқшомида «Ноттингем Форест»га ўтишга яқин эди, аммо сўнгги паллада трансфер амалга ошмади. Туркияда трансфер ойнаси 8 сентябрга қадар давом этади. Маълумот учун, Миши ўтган мавсумни «Бешиктош» клубида ўтказиб, 33 ўйинда 14та голга муаллифлик қилган.

Ярим ҳимоячи Билли Гилмур эса «Брайтон»га ўтди. «Челси» 21 ёшли шотланд учун 9 млн. фунт олди. Футболчи янги жамоаси билан 4 йиллик битим тузди. Гилмур ўтган мавсумни «Норвич»да ижарада ўтказиб, АПЛда 24та ўйинда 1та голга ассистентлик қилган.