«Бавария» ва Мюллер учун ажойиб кун!

Мюнхенликлар 1-тур доирасида «МЮ»ни 4:3 ҳисобида мағлуб этишди. Жамоа гуруҳ босқичида 35та ўйиндан бери ютқазмаяпти ва мусобақа рекорди ҳисобланади. Шунингдек, «Бавария» гуруҳ босқичида кетма-кет 14та ўйиндан бери ғалаба қозонишмоқда. Бу ҳам турнир рекорди ҳисобланади. Сўнгги маротаба «Бавария» гуруҳ босқичида 2017 йилда мағлуб бўлганди. Ўшанда «ПСЖ» мюнхенликлардан устун келган. Шундан буён «Бавария» 32та ғалаба ва 3та дуранг қайд этган.

Шунингдек, бу ғалаба Томас Мюллер учун юбилей бўлди. У Чемпионлар лигасида 100та ўйинда ғалаба қозонган 3-футболчига айланди. Бунгача фақатгина Криштиану Роналду (115) ва Икер Касильяс (101) Европа Чемпионлар лигасида 100 тадан кўп ўйинда ғолиб бўлган. Мюллер илк бора 2009 йилнинг март ойида ЕЧЛда ўйнаган. Ўшанда «Бавария» «Спортинг»ни 7:1 ҳисобида мағлуб этганди.