Бека-Бека ўзини ўлдирмоқчи бўлди

Бироқ махсус хизматлар ва психологлар футболчининг фикрини ўзгартиришга муваффақ бўлди. Бунинг оқибатида Бека-Бека ўзини ташламоқчи бўлган кўприкни тарк этди. Алексис суицид қилмоқчи бўлган кўприк Маньян, деб номлади ва у Ницца шаҳридаги катта трасса бўйлаб жойлашган. Франция матбуоти Алексиснинг суицидга қўл уришига севгилиси билан ажрашгани сабаб бўлганини ёзмоқда. Клуб эса бу маълумотларни инкор қилди: «Бўлиб ўтган воқеа тарихи севги таъсирида юзага келгани ҳақидаги маълумотларнинг бари ёлғон. Бу ҳолат умумий воқеалардан юлиб олинган маълумотлардир ва келиб чиққан вазиятга умуман дахли йўқ. Биз бу воқеа бўйича бошқа изоҳ бермаймиз». 22 ёшли ярим ҳимоячи «Кан» клуби тарбияланувчиси ҳисобланади. У 2021 йили «Кан»дан Москванинг «Локомотив» жамоасига трансфер қилинган. Бека-Бека «Ницца»га бир йил олдин, 12 миллион евро эвазига кўчиб ўтган эди. Унинг шартномаси 2027 йилнинг ёзигача тузилган.