Бензема шартли қамоққа рози

By Пўлатов Мухаммадхон 04 Jun, 2022 4 дақиқа ўқиш 931 Кўрилди

0 comments 0 likes

«Реал» клуби ҳужумчиси Карим Бензема Франция терма жамоаси собиқ футболчиси Матье Вальбуэнага нисбатан қилинган фирибгарлик иши бўйича суд чиқарган қарорга рози бўлди.

Шунинг учун футболчи ушбу суд қарори юзасидан берган апелляцияни қайтариб олишга қарор қилди. Бу ҳақда Бенземанинг адвокати LEquipe нашрига хабар берди. 2021 йилнинг 24 ноябрь куни Версаль шаҳри суди Бенземани бир йил шартли қамоқ ва 75 минг евро миқдорида жаримага тортганди. Шундан сўнг ўйинчининг адвокатлари апелляция беришганди ва бу иш 30 июнь ва 1 июль кунлари кўриб чиқилиши режалаштирилганди. Карим ушбу мавзудан чарчагани учун апелляцияни қайтариб олди. Аммо у бу ишда ўзини айбсиз деб ҳисоблайди. Эслатиб ўтамиз, бир неча йил илгари Вальбуэнанинг интим мазмундаги видеоси фирибгарлар қўлига тушиб қолгач, улар Матьедан пул талаб қилишганди. Бунда эса Бензема воситачилик қилганликда айбланди.