Билич - «Уотфорд» бош мураббийи!

Клуб бунгача жамоани бошқарган Роб Эдвардсни истеъфога чиқарди. У Чемпионшипда мавсум бошидан буён 10та ўйинда «Уотфорд»ни майдонга бошлаб тушганди. Эдвардс ўрнига Славен Билич бош мураббий этиб тайинланган. Клуб расмий сайти хабарига кўра, хорватиялик мутахассис билан 1,5 йиллик шартнома имзоланган. Билич Буюк Британияда ишлаш визасини олгани заҳоти «Уотфорд»даги ишига киришади. Славеннинг сўнгги клуби Хитойнинг «Бэйцзин Гоан» клуби бўлган эди. У шунингдек, «Вест Бромвич», «Локомотив» (Москва), «Бешиктош» ва Хорватия миллий жамоасини бошқарган. Қайд этиш жоиз, Билич - «Уотфорд»нинг сўнгги уч йилдаги 9-мураббийидир. 2019 йилдан кейин Кике Флорес, Хэйден Маллинз, Найжел Пирсон, Владимир Ивич, Хиско Муньос, Клаудио Раньери, Рой Хожсон ва Роб Эдвардслар клубни бошқарган. Маълумот учун, «Уотфорд» Чемпионшипда 10-турдан кейин 10-ўринни эгаллаб турибди.