Дон Карло етакчи, Перес Берлусконига етиб олди...

Бензема Карло Анчелотти қўл остида мазкур индивидуал совринга эга чиққан 4-футболчига айланди. Ундан аввал «Реал» сафида Криштиану Роналду, «Милан»да Кака ва Андрей Шевченко «Олтин тўп»ни қўлга киритганди. Анчелотти «Олтин тўп»нинг тўрт нафар турли соҳибларига устозлик қилган тарихдаги илк мураббийга айланди. «Реал» президенти Флорентино Перес даврида эса 5-футболчи мазкур совринга эга бўлди. Аввалроқ Луиш Фигу, Роналдо, Криштиану Роналду (4 марта) ва Лука Модрич «Олтин тўп» эгасига айланганди. Перес бу борада «Милан» собиқ президенти Силвио Берлусконининг рекордини такрорлади. Берлускони даврида Руд Гуллит, Марко ван Бастен (3), Жорж Веа, Андрей Шевченко ва Кака ушбу совринга лойиқ кўрилган.