Дзюба Туркияга йўл олди

33 ёшли ҳужумчи «Адана Демирспор» билан «1+1» кўринишида шартнома имзолади. Хабар қилинишича, Россия миллий жамоасининг собиқ сардори турк клубида йилига 1,5 млн. евро маош олади. Маълумот учун, «Адана Демирспор» бу мавсумда Туркия Суперлигасида дастлабки икки ўйинда ҳам ғалаба қозонди ва 6 очко билан 1-ўринни эгаллаб турибди. Дзюба бунгача 2015 йилдан бери «Зенит»да ўйнаётганди. У Санкт-Петербург клуби билан 4 бор мамлакат чемпиони бўлди, 249та баҳсда 108та гол урди.