ЭЧЛ 5-тур. Превью. "Истиқлол" - “Пахтакор”

Ушбу жамоа билан "Шерлар" 2011 йил гуруҳ босқичида майдонга тушишган. Ўшанда Теҳронда "Истиқлол" 4:2, Тошкентда "Пахтакор" 2:1 ҳисобида ғалаба қозонган. 2020 йил нимчорак финалда Дохада тошкентликлар 2:1 ҳисобида зафар қучган. “Истиқлол” 9 марта Эрон чемпионати ва 7 бор Эрон Кубогида зафар қучган. Охирги марта 2022 йил Эрон чемпионига айланган. Жамоани ушбу йилдан Жанубий африкалик мутахассис Питсо Мосимане бошқармоқда. Терма жамоамиз етакчиларидан бири Жалолиддин Машарипов айни пайтда ушбу жамоа сафида тўп тепмоқда.

Беллашувни дисквалификация сабабли эронликлардан Рузбеҳ Чешми ўтказиб юборади. “Пахтакор”да эса ушбу сабаб билан ўйинни ўтказиб юборадиган футболчи йўқ.

Маълумот учун, "Истиқлол" ва "Пахтакор" жамоалари ўртасидаги Элит Чемпионлар Лигаси 5-тур баҳси 25 ноябрь, душанба куни Тошкент вақти билан соат 21:00да Дубайдаги "Ал Рашид" стадионида бошланади.