ЕЧЛ мадҳияси ҳам ўзгаради

Бу мавсумда Европа Чемпионлар лигасида янги формат ва шу билан бирга янги мадҳия бўлади. Аниқроқ айтганда, эски мадҳиянинг янгича талқини. ЕЧЛ мадҳияси аллақачон икки марта ўзгартирилган: 1999 ва 2006 йилларда. Янгиланган Чемпионлар Лигаси мадҳияси ўтган мавсумда аллақачон янгради, лекин фақат битта гуруҳ босқичи ўйинида. Ўтган йилнинг декабрь ойида бўлиб ўтган «Янг Бойз» ва «Црвена Звезда» ўйини янги мадҳия билан очилганди. Швейцариянинг Берн шаҳридаги стадион УЕФА штаб-квартирасига яқинлиги сабабли синов учун танланган бўлиши мумкин.