Энцо «Челси»га ўтишга яқин

The Guardian хабарига кўра, «кўклар» Лиссабон клуби билан самарали музокаралар олиб боришган ва барча бонусларни ҳисобга олган ҳолда умумий трансфер нархи 130,5 миллион еврога етиб, АПЛ трансфери бўйича рекорд ўрнатади. Фернандес учун тўлов жуда юқори бўлгани учун «Челси» молиявий фейр-плей билан боғлиқ муаммолардан қочиш учун уни бўлиб-бўлиб тўламоқчи. «Бенфика» аллақачон 22 ёшли аргентиналик футболчига ўринбосар қидиришни бошлаган. Эслатиб ўтамиз, «Челси» январь ойи бошида Фернандесни сотиб олишга уриниб кўрди, бироқ Португалия клуби барча таклифларни рад этиб, тўлиқ товон пулини тўлашни талаб қилиб, у миқдор 120 миллион еврони ташкил этади.»Эвертон»дан Амаду Онана ва «Брайтон»дан Мойзес Кайседони қўлга киритишдаги муваффақиятсизликлардан сўнг, лондонликлар раҳбарияти барча эътиборини бутунлай Фернандес трансферига қаратди.