ФИФА даромади рекорд даражада!

ФИФА ўзининг расмий сайтида 2019-2022 йилларда 7,6 миллиард доллар даромадга эга бўлганини эълон қилди. Бу ташкилот учун рекорд кўрсаткичдир. «ФИФАнинг футболга мисли кўрилмаган сармояси бизнинг кучли молиявий шаффофлигимиз натижасидир ва бу биз футболни глобаллаштиришга интилаётганимизнинг аниқ намунаси. Ўтган давр мобайнида энг аввало, коронавирус туфайли дуч келган қийинчиликларимизга қарамай, Қатарда бўлиб ўтган Жаҳон чемпионатининг муваффақиятли кечгани ташкилотнинг аъзо ассоциациялар ва футбол олами учун ўз миссиясини бажариш қобилияти калити бўлди», - деди ФИФА президенти Жанни Инфантино.