Френки «Барса»дан кетмоқчи

Esport3 нашри хабарига кўра, нидерландиялик футболчи «кўк-анорранглилар» лагеридаги ҳозирги ҳолатдан норози. Клубдаги муаммолар туфайли Френки жамоасини ўзгартириш ҳақида ўйламоқда. Аввалроқ матбуотда де Йонгга Англиянинг «Манчестер Юнайтед» клуби қизиқиш билдираётгани ҳақида хабарлар тарқалган эди. Эслатиб ўтамиз, Испания чемпионатининг жорий мавсумида 26 ёшли хавбек 15та ўйинда майдонга тушиб, 1та гол урди ва 6та голли узатмани амалга оширди.