Галено учун 30 миллион тайёр...

Бразилиялик футболчи ўтган мавсумда «аждарлар» сафида барча мусобақаларда 48та ўйинда майдонга тушиб, 16та гол ва 12та голли узатмани амалга оширди. A Bola нашри хабарига кўра, 26 ёшли футболчига ҳужумкор позицияларини кучайтиришга интилаётган «Ювентус» қизиқмоқда. Италия «А» Сериясининг гранди «Порту» футболчиси учун тахминан 30 миллион евро таклиф қилишга тайёр. Вендерсон Галенонинг Португалия клуби билан меҳнат шартномаси 2028 йилнинг ўрталарига қадар тузилган. Март ойида вингер Бразилия терма жамоаси сафида Испания билан ўртоқлик учрашувида дебют қилди - ҳозирча бу унинг термадаги ягона ўйини.