Асосий номзод - Гальтье!

Маурисио Почеттино жамоада қолмайди ва яқин ҳафталарда истеъфога чиқарилади. Аргентиналик мутахассиснинг истеъфоси Носир Ал Хилайфий Қатардан қайтгач расмийлаштирилади. «ПСЖ» президенти ҳозир шахсий ишлари билан ўз юртида. Парижликларнинг янги бош мураббийи лавозимига асосий даъвогарлардан бири «Ницца» устози Кристоф Гальтье ҳисобланади. Почеттино 2021 йилнинг январида «ПСЖ» бош мураббийига айланган ва клуб билан 2023 йилгача битим тузганди. Маурисио клуб билан Франция Кубоги ва Суперкубоги, шунингдек, бу мавсумда мамлакат чемпионлигини қўлга киритди. Чемпионлар Лигасида эса «ПСЖ» 1/8 финалда «Реал»га имкониятни бой берди (1:0, 1:3).