Гарначо Ўзбекистон ёшлар термасига қарши ўйнамоқчи ва ...

Бу унинг АПЛ доирасидаги камида 4та ўйин ва Англия кубоги финалини ўтказию юборишини англатади. Эслатма, Аргентина жамоаси жаҳон кубоги старт баҳсида Ўзбекистон термасига қарши майдонга тушади. Бу ҳолатда 2003 йилги воқелик эсга тушади. Ўшанда ҳам Ўзбекистон ва Аргентина термалари битта гуруҳда эди. Ёш «альбиселестлар» таркибида Карлос Тевес бош юлдуз мақомида бўлган, бироқ ҳозирги ҳолатга ўхшаш вазиятда «Бока Хуниорс» раҳбарияти Қитъалараро кубок (ўшанда шундай эди) учрашуви туфайли футболчини ЖЧ стартига қўйиб юбормайди. Терма жамоа устози Хосе Пекерман эса нафақат кейинги ўйинларда Тевес хизматидан фойдаланмайди, балки ўрнига бошқа футболчи ҳам чақирмайди. ЖЧ-2003даги яна бир гуруҳдошимиз Испания термаси эса «Атлетико» томонидан қўйиб юборилмаган Фернандо Торрес хизматига таянолмаганди.

Айтганча,  ФИФА U-20 тоифасидаги жаҳон чемпионати учун Аргентинадаги 4та стадионни танлади:   
«Мадре де Сьюдадес» (сиғими - 42000), Сантьяго дель Эстеро 
«Диего Марадона» (сиғими - 53000), Ла-Плата 
«Мальвинас Аргентинас» (сиғими - 42000), Мендоса  
«Бисентенарио» (сиғими - 25286), Сан-Хуан  
Очилиш ўйини Сантьяго дель Эстерода, финал эса Ла-Платада бўлади. 

ФИФА томонидан U-20 жаҳон чемпионатида ишлаш учун сараланган ҳакамлар рўйхати анча узун. Айни шу рўйхатга тушганларни ЖЧ-2026га бориш учун номзодларнинг биринчи тўлқини сифатида келтириш мумкин. Рўйхатда 25 нафар рефери бор.  

Алишер НИКИМБАЕВ, «Футболиум»