Аморимнинг дастлабки трансфер мақсади аниқ
«Манчестер Юнайтед» қишда марказий ярим ҳимоячи билан шартнома имзоламоқчи.
«Узоқ ўйлаб, миллий жамоа ва клубдаги фаолиятимни якунлашга қарор қилдим. Бу ҳақда кўп ўйладим ва шундай қарорга келдим. Ҳаётда ўзим севган спорт тури билан шуғулланиб, орзуларимга эришганимдан чинакам бахтиёрман. Энди ҳаётимдаги янги саҳифага ўтяпман. Янги саргузаштлар учун ўзгаришлар вақти келди», - дея ёзади 33 ёшли уэльслик футболчи. Бэйлнинг сўнгги клуби «Лос-Анжелес» жамоаси бўлди. У «Реал»даги 9 йиллик фаолиятидан кейин 2022 йилнинг ёзида АҚШ клубига кўчиб ўтганди. Гарет Мадрид клуби билан 5 карра ЕЧЛ ғолибига айланган. У шунингдек, «Саутгемптон» ва «Тоттенхэм» клублари шарафини ҳимоя қилган. Эслатиб ўтамиз, Гарет Бэйл Қатарда ўтган мундиалда 64 йиллик танаффусдан кейин Уэльснинг жаҳон чемпионатидаги дастлабки голига муаллифлик қилди. Уэльс сўнгги марта 1958 йилги ЖЧда иштирок этганди. ЖЧ-2022да эса гуруҳда сўнгги ўринни эгаллади.
